Радио Онегаборг
        

ОБЩЕСТВО ДРУЗЕЙ КАРЕЛЬСКОГО ЯЗЫКА

Новости О сайте Карельский язык Литература Спорт Аудио Ссылки Контакт
Tänäpäi on nelläspäivy, 28. kevätkuudu 2024


Karjalan bibliotiekku



Tamara Ščerbakova MALITTUSANA (2002)


Tuatan da Pojan da Pyhän Hengen nimeh näh.
Amin.

Jumal, armahda minuu, riähkähisty.
Hospodi Iisus Hristos, Jumalan Poigu, Malittuloin peräs
Puhtahan Sinun Muaman i kaikkien Pyhäniekoin kel,
armahda meildy. Amin.

Sluavu Sinulles, Jumal meijän, sluavu Sinnules.

Tsuari Taivahalline, armonandai, Oigei Hengi, joga sijas olii,
i kaiken luadii, kallis hyvytty, da eländän andai, tule i ole meis,
da puhtasta meidy kaikes pahuos i vardoiče, Hyvä, henget meijän.

Pyhä Jumal, Pyhä Vägevy, Pyhä Kuolematoi,
armahda meidy.
Pyhä Jumal, Pyhä Vägevy, Pyhä Kuolematoi,
armahda meidy.
Pyhä Jumal, Pyhä Vägevy, Pyhä Kuolematoi,
armahda meidy.

Sluavu Tuatale da Poijale da Pyhäle Hengele i nygöi, i enne, i ijäs
kaikes - ijän kaiken.
Amin.



Sv'atoi Troičču, armahda meidy; Hospodi, puhtasta riähkät meijän;
Valduaju, prosti pahat luadimizet meijän; Sv'atoi, tule da paranda
meijän voimattomuus, Oman nimen täh.
Hospodi armahda. Hospodi armahda. Hospodi armahda.
Kunnivo olgah Tuatal da Poijal da Pyhäl Hengel i nygöi, i enne,
i ijäs kaikes - ijän kaiken.
Amin.



MALITTU PRESV'ATOILE JUMALAN MUAMALE

Jumalan Muamo-Neidine, ihastu armahdettu Marija,
Jumal on Sinun kel, Kiitettävy olet sinä naizien keskes,
i kiitettävy on Siemen vačan Sinun, sendäh ku sait
Spuasan hengilöin meijän.



JUMALAN SPUASAN MALITTU

Tuatto meijän, kudai olet taivahas,
Pyhitetty olgah Sinun nimi.

Tulgah Sinun Valdukundu da Vägi
Ihan kui taivahas mugai muan piäle.

Anna minule tänäpäiväine leiby,
Jätä meijän vellat,
Kui myö jätämmö velguniekoile meijän.

Älä anna minuu muanitettavakse,
Piästä meidy pahois.

Sinulhäi on valdu, vägi da kunnivo
Ilmazen ijän.
Amin.





Havačun unes, Sinule kumardammos, Puhtas Armonandai
Troiččaine. Anheliloin pajoloil ulahtammos, Sinule, Vägeväine. Sv'at,
Sv'at, Sv'at. Jumalan Muamo-Bogoroditsaine, piästä meijät pahuos.
Sluavu Tuatale da Poijale da Pyhäle Hengele:
Unes piästit, postelis nostit. Hospodi mielet minun vallenda. Suul
dai sydämel anna valdu pajattua, vaiku Sinuu kiitiä. Armonandai, Pyhä
Troiččaine: Sv'at, sv'at, sv'at. Bogoroditsaine armahda meidy. I nygöi,
i enne, i ijäas kaikes - ijän kaiken. Amin.

Hospodi armahda (12 kerdua)


Tulgua, kumardammokseh Tsuarile, meijän Jumalale.
Tulgua, kumardammokseh da langiemmo edeh,
Hristosale, Tsuarile, meijän Jumalale.
Tulgua, kumardammokseh da langiemmo edeh, ičelleh
Hristosale, Tsuarile da meijän Jumalale.

(kumardukset)


PSALMU 50

Pokoroičen Sinuu Jumalaine, Sinun valdua
da suvaičendua myöte puhtasta minuu pahois
ruadolois. Pezetä riähkis minuu. Riähkis minuu
muamo sai. Sinä avait minun silmät, Sinä ozutit
minun pahuot. Vaiku Sinä voit minuu puhtastua
da luadie valgiekse ihan ku lumen. Kuulizin
vaiku ilon, ihastuttas minun luutgi, ku Sinä
puhtastazit minuu, andazit minule Pyhän
Hengen. Vaiku Sinuu kuulizin, vaiku Sinuu
kiittäzin, ku et kiändys sinä minuspäi.


USKON TUNNUSTUS

Uskon yhteh Sinun Tuattah Jumalah, Kaikenpidäjäh, taivahan da
muan, kaiken nägyjän da nägymättömän luadijah. Yhteh Jumalah
Iisussah Hristossah Jumalan Taivahallizen Tuatan Poigah, kudai on
roinnuhes enne kaikkie igiä.
Valgei on valgiespäi, Jumal on Jumalas, se on tozi, Jumalan tozi, ei
ole luajittu, no on suadu. Ristittyzien nimeh näh, meijän piäständäh
näh heityi taivahaspäi Pyhänny Hengenny, meni Marijah-neidizeh da
rodiihes ristikanzakse. Nuagličči hänen Pontii Piluattu. Hristos gor'uičči
da tuskičči, kuoli da oli havvattu. Kolmandennu päivänny elavui da
jiäviihes muan piäle ihan Kirjuttamistu myöte. Sit piäzi taivahah ihan
Tuatan Jumalan rinnale. Nygöi sluavimmo Jumalan Poigua eläjät dai
kuolluot. Hänen ižändöiččemizel ei loppei aigu. Pyhäh hengeh, eläväh
Jumalah Tuatan sanua myöte tulluoh, kumardammokseh da sluavimmo,
kui oli enne sanottu. Uskon Tuattah, Poigah i Pyhäh Hengeh elämizen
andajah, kudai Tuatan kel i Poijan kel on kunnivoitettavu da kiitettävy,
kudai pagizi Prorokoin kauti vaiku yhteh oigieh Apostol'skoih kirikköh
näh. Uskon vaiku täh kirikköh, en nimittumih toizih. Uskon ristindäh
da riähkis piäzendäh, kuolluzien nouzendah da uvven elämizen
tulendah. Amin.


MALITTU MAGUAMAS NOSTUU

Sinule edeh, Herru ihmizien suvaiččii, maguamas nostuu tulen.
Sinun dieloloile Sinun armahuon kauti menen i molimmos
Sinulles:
Avvuta minule joga aigua, joga dielos i kačo minuu kaikis
muailman pahois dielolois da kehnon kehityksis i piästä minuu
Sinun igäzeh Valdukundah. Sinä olet minun luadii i kaikkie
hyviä huoles Pidäi i Andai. Sinus on kai minun toivotus dai
Sinulles Kiitoksen annan. Nygöi i ainos i ijäs kaikes - ijän
kaiken. Amin.


MALITTU ANHELILE — HENGEN VARDOIČČIJALE

Pyhä Anheline, vardoiče minun Hengie. Piettele hyväs minun
elostu, älä jätä minun riähkähisty. Älä anna valdua kehnole piästä
minun hibjah. Anna minun jalloil astuo vaiku kohti Jumalan tiedy
myö. Prosti minun riähkät, luajitut ihan roindua myö, vie prosti
riähkät, kuduat tuldih eläjes. Piästä, Armas Bogoroditsaine, minuu
riähkähisty da vardoiče jogapäivällizis ruadolois, ku minä en suututtas
omua Armonandajua Jumalua. Varaten molizimmos Junlalale da
hyvittäzin vaiku Jumalan valdua. Amin.


MALITTU PRESV'ATOILE BOGORODITSALE

Pakiče minus tuači Jumalan ies prošken'n'ua, Pyhä
Bogoroditsaine. Sinun malittuloin kauti et anna kavota riähkih. Iäre
aja minuspäi pahat mielet, tiedämättömys, laškus. Vie joga ruadoh
blagoslovi minuu. Ota iäre minus paha tuli dai pahat mustokset, ku
Sinä olet blagoslovittu meidy vardoiččemah vie enne suandua. Vaiku
Sinä Poijan ies maltat pakita meile prošken'n'an. Sinun nimie myö
Jumalua sluavimmo ijäs kaikes, ijän kaiken. Amin.


PYHÄ TROIČAN MALITTU

Pyhä Troiččaine, armahda meidy;
Hospodi puhtasta minuu riähkis;
Vladiko, piästä meijät pahois;
Pyhä Hengi kävähtäi minuh, prosti meidy
riähkähizii Sinun nimeh näh. Amin.


MALITTU ANHELILE

Oigei hengi (nimi) nimelline Anheli, Jumalan ies, minus tuači, pakiče
prošken'n'ua. Vaiku Sinuu kyzyn, ku olet paras avvuttai da kyzymizien
kuulii. Amin.



MALITTU JUMALAN MUAMALE

Jumalan Muamo-Neiččukkaine, ihastu, armahdettu Marija, Jumal
on Sinun kel: Kiitettävy olet Sinä naizien keskes i kiitettävy on
Siemen vačan Sinun, sendäh ku sait Iisusan, Spuasan hengilöin
meijän. Amin.




RISTAN TROPARI

Piästä Hospodi rahvastu Sinun, blahoslovi Elot Sinun. Voiton
vastah lahjua Pravoslaunoloile ristikanzoile kačondu Sinun. Vardoiče
RISTAL joga eländykohtat.



MALITTU ELÄJIH NIŠKOI

Vardoiče, Hospodi, da pomiilui malittuloin lugijua
Buat'uškua (nimi)........................................
minun vahnembii (nimet)..................................
rodnii...................................................
načal'niekkoi............................................
opastujii................................................
kačo da vardoiče ihan kaikkii pravoslaunoloi ristikanzoi.






Upokoi, Hospodi, kuolluzien henget, ku net ollah Sinun käskyläzet:
minun vahnembat (nimet)...........................................
rodn'at...........................................................
hyvän sanan sanojat...............................................
musta kaikkii pravoslavnoloin ristikanzoin Hengii. Prosti heijän
riähkät enne luajitut dai petties tulluot, lahjua Heile Taivahan Rauhu.
Amin.



MALITTULOIN LOPPU

Ainos olen kuulluh Sinuu Bogoroditsaine, kaiken hyvän tuoju, Pyhäl
puhtastettu, olet Muamo meijän Jumalan. Čestneišoi Heruvim, paras
parahien keskes Serafim. Ei kaduo Jumalan Sana, kuduadu myö on
suadu Bogoroditsaine. Vaiku Sinuu kuulemmo, vaiku Sinuu kiitämmö,
armas Bogoroditsaine.
Sluavu Tuatale da Poijale da Pyhäle Hengele i nygöi, i enne,
i ijäs kaikes, ijän kaiken. Amin.


Hospodi armahda. Hospodi armahda. Hospodi armahda.


Hospodi Iisus Hristos, Jumalan Poigu. Sinun Puhtahiman Muaman
malittuloin kauti, prepodobnoloin Jumalan sanan kandajien Tuatto da
kaikkien Pyhäniekoin kel, armahda meidy. Amin.


Todeh pidäy kiittiä Sinuu, Jumalan suajua, ijän kaiken puhtahannu
eläjiä i suremata riähkättömiä, da Muamua Jumalan meijän. Sinuu,
suurembua, ku Heruvimad, miäriämätä slaunoimbua, ku Serafimad
paras Jumalan sanan kandai armahda meidy. Amin.



MALITTU ENNE PYHIEN OTANDUA


Uskon, Hospodi, i tunnustan, ku Sinä olet tozi Hristos, Poigu elävän
Jumalan, kudai tuli muale riähkyniekköi piästämäh, kudamien keskes
minä olen enzimäine. Vie uskon, ku tämä on kaikis puhtahembi Sinun
Hibju, i tämä on kaikis puhtahembi Sinun Veri. Molimmos Sinulleni:
armahda minuu da prosti minulleni riähkät luajitut tahtojen dai
tahtomattah, kuduat tuldih minuh sanal libo dielol, tieten libo
tiedämättäh. Anna Valdu minulleni puhtastuo, ottua suudimattah Sinun
kallis lahju. Suaja iččeh Sinun Pyhä Hibju da Sinun Verdy. Riähkien
prostittavakse da ielleh elämizekse.
Jumalan Poigu, ota vastah minuu, tänäpäi suajua Sinun tainoidu
illallistu: Sinun Vihamiehil en sano hyvii sanoi, en ni anna Sinulles
suudu muga, kui andoi suudu Iiudu. No ihan kui rozvomies sanon
Sinulles:

«MUSTA MINUU, HOSPODI, SINUN VALDUKUNNAS!»

Hospodi, älgäh tulgah minul Puhtahus suudittavakse libo suvvokse
Pyhäh Sinun Hibjan da Veren otandu. Vaiku tulgah se hengen da hibjan
minun parandettavakse. Amin.



MALITTU ENNE OPASTUNDUA

Pyhien Pyhä Hospodi! Työnä meile opastujile armo Sinun Pyhän
Hengen. Lujenda meijän sydämien väit, sidä vaste ku myö, kuultes
midä opastetah meile, kazvazimmo Sinulles, Meijän Luadijale,
sluavakse. Vahnembile meijän — ihastumizekse, Kiriköle da omale
muakunnale — hyövyndäkse.


MALITTU JÄLLES OPASTUNDUA

Kiitämmö Sinuu, Meijän Luadii, ku annoit meile armuo Sinun ku
voizimmo opastuo. Blahoslovi meijän herroi, vahnembii, opastajii
kuduat vietäh meidy tiedämäh kaikkie hyviä. Anna meile vägie da lujus
iellehpäi opastumah.


MALITTU ENNE MURGINUA

Silmät kaikkien Sinuh, Hospodi, kačotah, Sinä annat jogahizele
syömizen omah aigah; oijendat Sinä armahan käin Sinun, i työnät joga
eläjäle hyviä kaikkie.



MALITTU JÄLLES MURGINUA

Kiitämmö Sinuu, Hristos Jumal meijän, ku syötit meidy muas kazvajil
sinun lahjoil; älä jätä laskemata meidy i taivahallizeh Sinun valdukundah.

Tuatto meijän, kudai olet taivahas,

Pyhitetty olgah Sinun nimi,

Tulgah Sinun Valdukundu da Vägi,

Ihan kui taivahas, mugai muan piäle.

Anna minule tänäpäiväine leiby,

jätä meijän vellat,

kui myö jätämmö velguniekoile meijän.

Älä anna minuu muanitettavakse,

Piästä meidy pahois

Sinulhäi on valdu, vägi da kunnivo

ilmazen ijän. Amin.

Silmät kaikkien Sinuh, Hospodi, kačotah. Sinä annat jogahizele
syömizen omah aigah; Oijendat Sinä armahan käin Sinun i työnät joga
eläjäle kaikkie hyviä.

Kiitämmö Sinuu, Iisus Hristos, Jumal meijän, ku syötit meidy muas
kazvajil Sinun lahjoil; älä jätä laskemata meidy Taivahallizeh Sinun
Valdukundah; ku tulit Iče opastujien keskes, Spuassu, rauhanandai,
nygöi tule meih da piästä meijät.




Taivahallizele Tsuarile, Armonandajale, Hengien tiedäjäle, joga sijas
olijale, kaiken hyvyön luadijale. Paras Armahien da Pyhämiehien
keskes, elämizen andai, tule da pyzy meis, puhtasta Henget meijän
kaikenjyttymis skvernois.

TROPARI 2

Jumal meijän Hospodi, ruavon algain, ku luadinen
hyvin, molizimmos Sinule da pakiččizin Sinun
blagosloven'n'an, piästä minuu vihaniekoin silmis, ku
Sinä olet vägevii vägevembi Jumal, avvuta minule.
Passibo sanon Sinule, minä — käskyläine Sinun Hospodi. Sinä avvutit
minule spruavie kai dielot da ruavot. Nygöi Sinuu kiitän, Sinul sanon
parahat sanat, sluavin vaiku Sinuu Vägevy Jumal, väinandai meile
riähkähizile. Sluavu Tuatale da Poijale da Pyhäle Hengele i nygöi i
enne, ijäs kaikes, ijän kaiken.
Eläi vaiku Sinun avvuttamizel, veri Sinun Taivahalline Jumal
vodvorihes, sanou Hospodevi; Vakustele minuu minuh tulii Jumal, minä
vaiku Sinuu kuulen. Piästät minuu vaiku Sinä kehnon verkolois, peität
minuu omah kainaloh. Et pöllätä yön pimiel keijal lendäjäl, kehnol
puolenpäivällizel. Sorrat muan piäle tuhanzii riähkähizii, vaiku minuu
ei lekahuta ni mi paha. Sinä Iče sen minule ozutat.
A minä vaiku Sinuu sluavin, korgiedu kovua armastu Jumalua, sit
ei tule pahus, niken ei lekahuta hibjua minun, ku Sinä käskit Anhelile
minuu kaččuo da vardoija joga dielos da sijas.


Kämmenil hyö nostetah, ku en sordus da satattas jalgua kivie vaste;
ku en polgis aspidah da vasiliskah, en pöllästys leijonua da maduo.
Ku Minuh kaččonet, Minuu kuullet, Minä piästän da peitän sinuu
kaikes pahuos, ku vai sinä mustanet Nimen minun. Kučut minuu
Jumalua, Minä kuulen, pahois mielis piästän, annan vallan eländyaigah.
Pitkendän igiä sinun, joga dielos annan Spasen'n'an Minun.




MALITTU RISTAL

Elavui Jumal, pajettih vihuajat Hänen, juostih Jumalan iespäi
vihaniekat Hänen, savvu kaduou, toven kaduou, sulau tuohus tules,
mugai kehnot kavotah Ristan ies. Suvaiččii Jumal Sinun Ristal ristin
silmät, ilozesti sanon: iloine ole Prečestnoi, elämizenandai Jumalan
Ristu; kehnoloin goniiju, Sinun Väile Hospodi, ku Iisus Hristos uaduh
meni da voitti kehnon väit, i lahjai meile Oman Puhtahan Ristan, ku
myö iče voizimmo gonie joga supostuatan.
O! Puhtahaine, Elämizenandai Ristu Jumalan! Avvuta meile yhtes
Presv'atoin Bogoroditsanke da kaikkien Pyhäniekoin kel. Amin.



Olet lähtenyh matkah, Iisus Hristos työndäy Anhelin sinuu
vardoiččemah. Nygöi Anheli on sinun käskyläine. Avvuttau sinule joga
dielos, piästäy yläh, kaččou da vardoiččou sinuu, ku sinä iče mustanet
malitut da pakinnet abuu Bogoroditsas, yhtes ristikanzoile
armonandajas.
Terväzeh Kuulii yksi Sinä, Iisus Hristos, ozuta minule, kui piäzet
minuh voimattomah. Ota minus minun riähkät, piästä minuu kibevyksis
da voimattomuksis. Armas Jumal, piästä minuu. Minä yhtytottu Sinule
molimmos, kiitän Bogoroditsua yhty ihmizien piästäjiä da suvaiččijua.



MALITUT YÖN VASTATES

Tuatan da Poijan da Pyhän Hengen nimeh näh. Amin.
Hospodi Iisus Hristos, Jumalan Poigu, malittuloin peräs, Puhtahan
Sinun Muaman i kaikkien Pyhäniekoin kel, armahda meidy. Amin.
Sluavu Sinulles, Jumal meijän, Sluavu Sinulles.
Tsuari Taivahalline, armonandai, Oigei Hengi, joga sijas olii, kaiken
luadii, kallis hyvytty, da eländän andai, tule i ole meis, da puhtasta
meidy kaikes pahuos i vardoiče, Hyvä, henget meijän.


Pyhä Jumal, Pyhä Vägevy, Pyhä Kuolematoi, armahda meidy.
Pyhä Jumal, Pyhä Vägevy, Pyhä Kuolematoi, armahda meidy.
Pyhä Jumal, Pyhä Vägevy, Pyhä Kuolematoi, armahda meidy.



Sluavu Tuatale da Poijale i Pyhäle Hengele i nygöi, i enne, i ijäs
kaikes, ijän kaiken. Amin.
Sv'atoi Troičču, armahda meidy; Hospodi puhtasta riähkät meijän;
Sv'atoi, tule da paranda meijän voimattomus, oman nimen täh.

Hospodi armahda. Hospodi armahda. Hospodi armahda.

Kunnivo olgah Tuatal da Poijal da Pyhäl Hengel i nygöi, i enne, i
ijäs kaikes - ijän kaiken. Amin.




JUMALAN SPUASAN MALITTU

Tuatto meijän, kudai olet taivahas,
Pyhitetty olgah Sinun nimi,
Tulgah Sinun Valdukundu da Vägi
Ihan kui taivahas, mugai muan piäle.
Anna minul tänäpäiväine leiby,
Jätä meijän vellat,
Kui myö jätämmö velguniekoile meijän.
Älä anna minuu muanitettavakse,
Piästä meidy pahois,
Sinulhäi on valdu, vägi da kunnivo
ilmazen ijän. Amin.





Hospodi, Jumal meijän, mis minä riähkävyin täs päiväs — sanal,
dielol, ajatukset. Sinä, Olii Hyvä, prosti minulleni. Huolematoi rauhu
uni anna minulleni. Anhelii, Sinuu kuundelijua, työnä kaččomah da
vardoiččemah minuu kaikes pahas, sendäh ku Sinä olet kaččoi hengen
i hibjan meijän. Sinulles kiitoksen annammo, Tuatale da Poijale i Pyhäle
Hengele nygöi i ainos ijäs kaikes, ijän kaiken. Amin.

Anheli Hristan, Sv'atoi, minun vardoiččii da kaččoi minun hengen
da hibjan, kai minulleni prosti, mis minä riähkävyin tänäpäi: dielol,
paginal vai ajatuksil. Vihaniekois peitä minuu. Ku ni mittumas riähkäs
en siänyttäs Jumalua minun. Armas Anheliine, molei minus riähkähizes
tuači, kaččo da vardoičče jogapäivällizis ruadolois, ku minä en suututtas
omua armonandajua Jumalua. Varaten molizimmos Jumale päivät dai
yöt, hyvittäzin vaiku Jumalan valdua. Amin.


PUHÄNPÄIVÄN PAJO

Elävyndän Hristosan nähtyy, kumardummo Sv'atoile Hospodale
Iisusale. Yhtel riähkättömäl Ristal Sinule kumardummo, elävyndiä
Sinun lisus Hristos pajatammo da kiitämmö. Sinäbo olet Jumal meijän,
paiči Sinuu tostu emmo tiijä, nimen Sinun mustammo. Tulgua kai
uskojat, kumardummo Pyhäle Hristosan elävyndäle: tulibo Ristan kel
ihastus kaikele muailmale. Ainos kiittäjen Jumalua, pajatammo da
sluavimmo Hänen elävyndiä, nuagličendal da surmal - surman voittajua.



MALITTU ANHELILE-VARDOIČČIJALE

Pyhä Anheliine vardoiče minuu, maguamah olen menemäs. Peittele,
HYVÄ, minun hengie, älä jätä minuu riähkähisty. Älä anna valdua
kehnole piästiä minun hibjah. Prosti minun pahuot, kuduat luajin ihan
roindua myö dai kuduat riähkät tuldih minuh eläjes, muates vardoiče
minuu da kačo jogapäivällizis ruadolois, ku minä en suututtas omua
Armastu Jumalua. Vaiku havačun unes — joga sana sinulles, Jumal minun,
kiitän Sinuu da hyvitän vaiku Sinun Iisus Hristos, valdua myö. Amin.


Pakiče minus tuači prošken'n'ua, Armas Pyhä Bogorsditsaine. Sinun
malittuloin kauti piastät minuu. Et anna valdua kavota riähkih. Iäre
ajat minuspäi pahat mielet, tiedämättömyön, laškuksen da joga dielos
pakičet minus tuači Jumalan ies prošken'n'ua. Ota iäre minus paha
tuli dai pahat mustokseh, ku Sinä olet Blagoslovittu vie enne suandua.
A myö sluavimmo Sinun nimie ijäs kaikes, ijän kaiken. Amin.



IOANAN ZLATOUSTAN SEIČČEMES MALITTU


1. Hospodi, älä jätä minuu Taivahan vallattah.
2. Hospodi, piästä minuu igäzis muokis.
3. Hospodi, mielel libo ajatuksel, sanal libo dielol ollen
riähkävynnyh, prosti minuu.
4. Hospodi, piästä minuu tiedämättömis unohtuksis,
kivisydämellizis ajatuksis.
5. Hospodi, piästä minuu kaikenjyttymis kielastuksis.
6. Hospodi, avua da puhtasta minun syväin, ku sinne piässöy paha
tahtohus.
7. Hospodi, minä olen riähkähine ristikanzu, pomiilui minuu, ku
näit minun välittömän hengen.
8. Hospodi, työnä Sinun Hyvys, avvuta minule, a minä, Sinuu
Pyhäniekkua, kiitän joga sijas.
9. Hospodi, Iisus Hristos, kirjuta minuu käskylästy eläjien kniigah,
lahjua hyvä elaijan loppu.
10. Hospodi, Boože minun, midä pahua tapahtui minunke Sinun
ies, anna valdu piästä niilöis da uvvessah algua puhtas elos.
11. Hospodi, ripoita minun sydämeh Sinun puhtahat kastepizaret,
hyvän tuojat.
12. Hospodi, taivas dai mua, mustakkua minuu riähkähisty, älgiä
minuu Taivahan valdukunnattah. Amin.




1. Hospodi, minä tiijän omat riähkät.
2. Hospodi, älä hylgiä minuu.
3. Hospodi, älä työnä kehnon verkoh.
4. Hospodi, anna minule kyynälii, surman musto, sinun suvaičendus.
5. Hospodi, anna valdua mustua da jättiä omat riähkät.
6. Hospodi, anna minule hyvät mielet.
7. Hospodi, anna minule hil'l'u elos, puhtas syväin, kuulendus.
8. Hospodi, opasta tirpamah, toizii hyvittämäh, kaikkii suvaiččemah.
9. Hospodi, anna hyvyön juuret, Sinuu varuandu sydämeh minun.
10.Hospodi, anna minule suvaičendu Sinuu kaikel hengel, luadie
kai vaiku Sinun valdua myö.
11.Hospodi, peitä minun viha ristikanzois, kehnolois, struastilois, i
kaikis pahois dielolois.
12.Hospodi, midä vai Sinä tvorinet, on se Sinun Valdu, kudai ainos
roih minun riähkähizen sydämes, ku olet Sinä minul blahoslovittu ijäkse
kaikkie. Amin.

Suuri ihmelline Jumal, Iisus Hristos, sinä sanottomil huolil puolistat
da avvutat kaikkii. Sinä annoit meile vallan ellendiä Sinun malitut, da
azetit meijät Sinun Uskoh. Sinä sait tänäpäigi meidy Sinulles
molimahes, välitit kai meijän pahuot iäres. Avvuta meile ihan meijän
ijän loppussah olla vaiku Sinun ies, kiittiä yhty Sinuu ihmizien
suvaiččijua. Sinä olet meijän Jumal, Tuatto da Poigu da Pyhä Hengi.
Sinul ies olemmo, nygöi, ainos ijäs kaikes, ijän kaiken. Amin.





MALITTU ENNE PYHIEN OTANDUA

Uskon, Hospodi, i tunnustan, ku Sinä olet tozi Hristos, Poigu elävän
Jumalan, kudai tuli muale riähkyniekkoi piästämäh, kudamien keskes
minä olen enzimäine. Vie uskon, ku tämä on kaikis puhtahembi Sinun
Hibju, i tämä on kaikis puhtahembi Sinun Veri. Molimmos Sinulleni:
armahda minuu da prosti minulleni riähkät luajitut tahtojen dai
tahtomattah, kuduat tuldih minuh sanal libo dielol, tieten libo
tiedämättäh. Anna Valdu minulleni puhtastuo, ottua suudimattah Sinun
kallis lahju. Suaja iččeh Sinun Pyhä Hibju da Sinun Verdy. Riähkien
prostittavakse da ielleh elämizekse.
Jumalan Poigu, ota vastah minuu, tänäpäi suajua Sinun tainoidu illallistu:
Sinun Vihamiehile en sano hyvii sanoi, en ni anna Sinulles suudu muga,
kui andoi suudu Iiudu. No ihan kui rozvomies sanon Sinulles:

«MUSTA MINUU, HOSPODI, SINUN VALDUKUNNAS!»

Hospodi, älgäh tulgah minule Puhtahus suudittavakse libo suvvokse
Pyhäh Sinun Hibjan da Veren otandu. Vaiku tulgah se hengen da hibjan
minun parandettavakse. Amin.

Konzu menet maguamah sano:
Sinun käzih da Valdah, Hospodi, Iisus Hristos, annan Hengen minun:
Sinä blagoslovi da pomiilui da ielleh oma igä eliä anna. Amin.